Treoirlínte maidir leis an Athrú Aeráide agus Natura 2000

Tá na treoirlínte seo dírithe go príomha ar bhainisteoirí láithreán Natura 2000 agus ar lucht déanta beartas. Is é an cuspóir atá ann béim a leagan ar na tairbhí a bhaineann le láithreáin Natura 2000 maidir le tionchair an athraithe aeráide a mhaolú, leochaileacht a laghdú agus athléimneacht a mhéadú, agus conas is féidir oiriúnú na bainistíochta do speicis agus do ghnáthóga atá faoi chosaint Natura 2000 a úsáid chun dul i ngleic le héifeachtaí an athraithe aeráide.

Agus iad ag díriú ar an méid is gá a dhéanamh, aithnítear sna treoirlínte deiseanna le haghaidh pleanáil oiriúnaitheach chiallmhar. Is minic a bheidh gníomhaíocht chomhtháite i gceist leis sin idir earnálacha comhshaoil agus earnálacha eile chun tairbhí iomadúla agus iolraitheora a bhaint amach don dúlra agus don tsochaí. Ag féachaint le heolas níos fearr a bhaint amach, cruthóidh cur chun feidhme na gcineálacha gníomhaíochtaí a ndéantar cur síos orthu sna treoirlínte fianaise nua agus cuirfidh sé le taithí. Tá sé ríthábhachtach fios gnó praiticiúil a fhorbairt chun éifeachtacht na bhfreagairtí ar an athrú aeráide a mhéadú, chun cabhrú le hathbhreithniú agus mionchoigeartú a dhéanamh ar bhealaí praiticiúla chun aghaidh a thabhairt ar an athrú aeráide amach anseo.