Prionsabail agus moltaí chun breithnithe maidir le hoiriúnú don athrú aeráide a chomhtháthú faoi chláir forbartha tuaithe 2014-2020

Tá sé beartaithe leis an Doiciméad Inmheánach Oibre seo de chuid an Choimisiúin a áirithiú go mbeidh cuspóirí maidir le hoiriúnú don athrú aeráide leabaithe i ndearadh a gClár Forbartha Tuaithe 2014-2020 (CFTanna). Tá sé dírithe ar Údaráis Bhainistíochta agus ar na páirtithe leasmhara uile a bhfuil baint acu le hullmhú agus comhairliúchán an chláir forbartha tuaithe, lena n-áirítear saineolaithe aeráide agus páirtithe leasmhara seachtracha.

Cuireann an Ciste Eorpach Talmhaíochta um Fhorbairt Tuaithe (CETFT) foinse thábhachtach cistiúcháin ar fáil do na Ballstáit trína gcláir forbartha tuaithe. Cuirtear comhairle, modhanna agus samplaí ar fáil sa doiciméad chun a áirithiú go dtuigfear riachtanais agus tosaíochtaí maidir le hoiriúnú don athrú aeráide agus go gcomhtháthófar iad go hiomlán sna cláir forbartha tuaithe náisiúnta agus réigiúnacha don chéad chlárthréimhse eile. Le linn chlárthréimhse 2014-2020, déanfar athruithe suntasacha ar an tréimhse reatha agus leagtar amach sa doiciméad seo tosaíochtaí oiriúnúcháin agus príomhphrionsabail chun an próiseas sin a threorú. Ba cheart breathnú air mar an chéad iarracht chun aird na mBallstát agus na bpáirtithe leasmhara a tharraingt ar shraith saincheisteanna a sainaithníodh i Straitéis an Aontais maidir le hoiriúnú don athrú aeráide a bhfuil ábharthacht dhíreach aici d’earnálacha na talmhaíochta agus na foraoiseachta.