An Treoir maidir le hInfheistíochtaí sa Bheartas Comhtháthaithe Iltairbhí sa Bhonneagar Dúlra agus Glas

Is é atá sa treoir seo tionscnamh Ard-Stiúrthóireacht an Bheartais Réigiúnaigh agus Uirbigh sa Choimisiún Eorpach, i gcomhairle le hArd-Stiúrthóireacht an Chomhshaoil, chun cuidiú le dearadh agus cur chun feidhme an Bheartais Chomhtháthaithe ar fud an Aontais.

Mar gheall ar an bhfianaise mhéadaitheach ar na tairbhí iomadúla a bhaineann leis an dúlra agus ar an gcaoi ar féidir leo sin cabhrú le cuspóirí an Bheartais Chomhtháthaithe a chomhlíonadh, tá spéis mhéadaithe ann i dtuiscint a fháil ar conas is féidir an Beartas Comhtháthaithe agus a uirlisí a úsáid chun sineirgí agus tairbhí iomadúla a fháil. Tá sé d’aidhm ag an Treoir na príomhcheisteanna seo a leanas a fhreagairt:

• Cad iad luachanna an dúlra agus conas atá siad tábhachtach do chuspóirí an Bheartais Chomhtháthaithe?
• Conas is féidir uirlisí agus cuir chuige an Bheartais Chomhtháthaithe a úsáid chun iltairbhí an dúlra atá ann faoi láthair agus a bheidh ann amach anseo a chumasú?
• Cad is féidir linn a fhoghlaim ó thaithí phraiticiúil chun bonn eolais a chur faoin bhforbairt réigiúnach?

Tá an Treoir dírithe ar chuidiú le cur chun feidhme leanúnach an Bheartais Chomhtháthaithe 2007-2013, agus is sraith straitéisí agus foinse faisnéise úsáideach í freisin chun Beartas Comhtháthaithe 2014-2020 a fhorbairt agus a chur chun feidhme.