Caillteanais eacnamaíocha ó dhálaí foircneacha a bhaineann leis an aeráid

Idir 1980 agus 2019, bhí teagmhais fhoircneacha a bhaineann leis an aeráid ina gcúis le caillteanais eacnamaíocha arbh fhiú EUR 446 bhilliún iad san iomlán i mballtíortha LEE. Cé go bhfuil sé deacair anailís a dhéanamh ar threochtaí i gcaillteanais eacnamaíocha, mar thoradh, i bpáirt, ar ardéagsúlacht ó bhliain go bliain, tá dálaí foircneacha a bhaineann leis an aeráid ag éirí níos coitianta agus, gan gníomhaíocht mhaolaitheach, d’fhéadfadh caillteanais níos mó fós a bheith mar thoradh orthu sna blianta amach romhainn. Tá sé mar aidhm ag straitéis oiriúnaithe an AE athléimneacht a thógáil agus a chinntiú go bhfuil an Eoraip ullmhaithe go maith chun na rioscaí a bhainistiú agus oiriúnú d’iarmhairtí an athraithe aeráide, agus ar an gcaoi sin caillteanais eacnamaíocha agus díobhálacha eile a íoslaghdú.