An Ghníomhaireacht Eorpach um Shábháilteacht agus Sláinte ag an Obair (EU-OSHA)

Is é EU-OSHA gníomhaireacht faisnéise an Aontais Eorpaigh um shábháilteacht agus sláinte cheirde. Rannchuidíonn a chuid oibre le Creat Straitéiseach an Choimisiúin Eorpaigh maidir le Sláinte agus Sábháilteacht ag an Obair 2021-2027 agus le straitéisí agus cláir ábhartha eile de chuid an Aontais.Bunaíodh é in 1994 le Rialachán (CE) Uimh. 2062/94 ón gComhairle (a tugadh cothrom le dáta i Rialachán (AE) 2019/126 ó Pharlaimint na hEorpa agus ón gComhairle)chun tacú le sábháilteacht agus sláinte cheirde (OSH) a fheabhsú. Tá bord bainistíochta trípháirteach agus pointe fócasach náisiúnta ag EU-OSHA i ngach Ballstát, arb é an t-údarás náisiúnta inniúil um shábháilteacht agus sláinte ag an obair é de ghnáth.

Tacaíonn EU-OSHA le hinstitiúidí agus comhlachtaí an Aontais, leis na Ballstáit, leis na comhpháirtithe sóisialta agus le gníomhaithe eile atá rannpháirteach i réimse na sábháilteachta agus na sláinte ag an obair, agus cuireann sé ar fáil iad, comhairle theicniúil ábhartha, faisnéis eolaíoch agus eacnamaíoch agus saineolas cáilithe chun feabhas a chur ar an timpeallacht oibre a mhéid a bhaineann le sábháilteacht agus sláinte oibrithe a chosaint.

Foilsíonn EU-OSHA faisnéis iontaofa ábhartha i dtuarascálacha taighde, cás-staidéir nó coimrí beartais, déanann sé suirbhéanna agus anailís sonraí agus cuireann sé réimse uirlisí ar fáil chun eolas a chur chun cinn, feasacht a mhúscailt, measúnú a dhéanamh ar rioscaí san ionad oibre agus faisnéis agus dea-chleachtas maidir le OSH a mhalartú chun freastal ar riachtanais na ndaoine lena mbaineann i réimse OSH, lena n-áirítear lucht ceaptha beartas.

Príomhghníomhaíochtaí maidir leis an athrú aeráide agus an tsláinte

D’fhéadfadh tionchar suntasach a bheith ag an athrú aeráide ar shábháilteacht agus ar shláinte oibrithe agus ar leanúnachas gnó, agus d’fhéadfadh iarmhairtí an athraithe aeráide cur isteach go mór ar an slabhra soláthair, rud a d’fhéadfadh tionchar a imirt ar OSH. Beidh oibrithe i ngach earnáil gníomhaíochta thíos le hiarmhairtí an athraithe aeráide.

Rinne EU-OSHA grinnanailís ar thodhchaí na talmhaíochta agus na foraoiseachta, inar sainaithníodh an t-athrú aeráide agus díghrádú an chomhshaoil mar phríomhthreochtaí a dhéanann difear don earnáil, agus d’fhoilsigh sé coimre bheartais maidir leis an gcaoi a bhfuil rioscaí nua agus rioscaí atá ag teacht chun cinn maidir le OSH á gcruthú san earnáil ag an athrú aeráide. I dtaighde EU-OSHA ar nochtadh san ionad oibre d’oibreáin bhitheolaíocha, leagadh béim ar an mbaol go leathfadh ionfhabhtuithe neamhchoitianta agus go n-éireodh siad eindéimeach san Eoraip, mar gheall ar an athrú aeráide. I dtuarascáil EU-OSHA roimhe seo, tugadh forléargas ar na rioscaí OSH d’oibrithe éigeandála, rud a d’fhéadfadh a bheith níos measa nuair a dhéanann an t-athrú aeráide difear do mhinicíocht tubaistí nádúrtha amhail dóiteáin foraoise, tuilte nó stoirmeacha. Le déanaí, eisíodh treoir phraiticiúil i 22 theanga de chuid an Aontais maidir le conas na rioscaí a bhaineann le bheith ag obair i dteas a bhainistiú agus faisnéis maidir leis an méid atá le déanamh má thosaíonn oibrí ag fulaingt de dheasca breoiteachta a bhaineann le teas.

Ina staidéir fadbhreathnaitheacha ar phoist ghlasa, ar an digitiú agus ar an ngeilleagar ciorclach, thug EU-OSHA aghaidh freisin ar na rioscaí a d’fhéadfadh a bheith ann maidir le sláinte agus sábháilteacht ag an obair mar gheall ar bhearta maolaithe don athrú aeráide, mar shampla na rioscaí maidir le sláinte agus sábháilteacht ag an obair a bhaineann le húsáid mhéadaithe a bhaint as foirmeacha malartacha fuinnimh amhail fuinneamh gaoithe nó feidhmeanna mionscála grianfhuinnimh, foirgnimh ghlasa nó athchúrsáil agus bainistiú dramhaíola. In 2024, cuireadh tús le staidéar fadbhreathnaitheachta nua a bhaineann go sonrach le tionchair an athraithe aeráide. Díríonn sé go sonrach ar fhorbairtí agus suaití amach anseo a bhaineann leis an athrú aeráide (géarchéimeanna agus athruithe struchtúracha) agus rioscaí gaolmhara OSH a thuar, ag tógáil ar an eolas agus ar na léargais a fuarthas i dtionscadail fadbhreathnaitheachta roimhe seo.

Is dócha go gcuirfidh tonnta teasa agus tubaistí nádúrtha brú mór ar chórais cúraim sláinte agus, dá bhrí sin, ar bhaill foirne cúraim sláinte, mar a tharla le linn phaindéim COVID-19.  Le meastóireacht chórasach ar ualach na dtionchar meabhairshláinte a bhaineann le bheith ag obair le linn phaindéim COVID-19 ar oibrithe sláinte agus cúraim shóisialta an Aontais, agus le measúnú domhain ar idirghabhálacha agus dea-chleachtais atá ann cheana maidir lena gcosc agus lena mbainistiú arna dhéanamh ag EU-OSHA, is féidir rannchuidiú leis an bplé maidir le hathléimneacht na gcóras cúraim sláinte i gcomhthéacs an athraithe aeráide.

Ó 2025 ar aghaidh, le gníomhaíocht taighde ilbhliantúil maidir leis an athrú aeráide agus OSH (forbhreathnú OSH mar a thugtar air) déanfar measúnú ar iarmhairtí díreacha agus indíreacha an athraithe aeráide ar shláinte agus ar shábháilteacht oibrithe lena n-áirítear leathadh ionfhabhtuithe, teagmhais aimsire truaillithe, etc. Baileoidh sé faisnéis freisin maidir le cleachtais agus straitéisí éifeachtacha chun oiriúnú a dhéanamh agus chun athléimneacht OSH sna hionaid oibre a mhéadú.

Tugtar aghaidh leis an bhfadbhreathnaitheacht agus leis an bhforléargas maidir le sláinte agus sábháilteacht ag an obair araon ar na dúshláin atá ag teacht chun cinn a sainaithníodh le haghaidh sláinte agus sábháilteacht ag an obair a bhaineann le beartais maidir le maolú ar an athrú aeráide agus leis an aistriú glas.  

Suíomh gréasáin:

https://osha.europa.eu/en

Rannchuidiú na Faireachlainne

• Athbhreithniú ar thodhchaí na talmhaíochta agus ar shábháilteacht agus sláinte cheirde (OSH): Fadbhreathnaitheacht maidir le rioscaí nua agus rioscaí atá ag teacht chun cinn in OSH
• Éifeachtaí ar shláinte agus sábháilteacht cheirde

Naisc chuig tuilleadh eolais

• Talmhaíocht agus foraoiseacht: an chaoi a bhfuil rioscaí nua agus rioscaí atá ag teacht chun cinn maidir le OSH á gcruthú ag an athrú aeráide — achoimre bheartais

• Teas ag an obair — treoir d’ionaid oibre
• An t-athrú aeráide agus sábháilteacht agus sláinte cheirde — alt vicí OSH
• An tAthrú Aeráide: Tionchar ar Shábháilteacht agus Sláinte Ceirde (OSH)
• Oibreáinbhitheolaíocha agus galair a bhaineann leis an obair a chosc: athbhreithniú
• Seirbhísíéigeandála: rioscaí sábháilteachta agus sláinte ceirde