An Ard-Stiúrthóireacht um Ghníomhú ar son na hAeráide sa Choimisiún Eorpach (DG CLIMA)

Is í an Ard-Stiúrthóireacht um Ghníomhú ar son na hAeráide (AS CLIMA) a stiúrann iarrachtaí an Choimisiúin Eorpaigh an t-athrú aeráide a chomhrac ar leibhéal an Aontais agus ar an leibhéal idirnáisiúnta.

Is é an príomh-mhisean atá aige beartais agus straitéisí aeráide an Aontais a cheapadh agus a chur chun feidhme, ionas gur féidir leis an Aontas a bheith ar an gcéad mhór-roinn aeráidneodrach aeráid-díonach faoi 2050.

Tá ról ceannasach ag AS CLIMA maidir le cur chun feidhme beartas agus reachtaíochta costéifeachtúla a fhorbairt agus a éascú chun an Comhaontú Glas don Eoraip a chur i gcrích. Cuireann an Ard-Stiúrthóireacht teicneolaíochtaí dícharbónaithe nuálacha chun cinn chun dul i ngleic leis an téamh domhanda. Is é is aidhm dó rathúnas agus folláine a chinntiú, cultúr nua aeráide a chothú san Eoraip, iompar a athrú ar fud ár sochaí. Coinníonn sé ceannaireacht dhomhanda uaillmhianach i ngníomhú ar son na haeráide, ag cosaint an chisil ózóin, ag feabhsú an mhargaidh carbóin idirnáisiúnta agus intíre. Rannchuidíonn sé le maoiniú glas, rud a chinntíonn go ndéantar gníomhú ar son na haeráide a phríomhshruthú i mbuiséad an Aontais, i mbeartais an Aontais agus na mBallstát.

Is é AS CLIMA a chomhordaíonn an obair maidir le hOiriúnú don Aeráid.