Lárionad Beartais na hEorpa (EPC)

Is meitheal machnaimh neamhspleách, neamhbhrabúsach é an Lárionad Beartais Eorpach (EPC) atá tiomanta do lánpháirtiú na hEorpa a chothú trí anailís agus díospóireacht, trí thacú le cinnteoirí agus trí dhúshlán a thabhairt dóibh ar gach leibhéal chun cinntí eolasacha a dhéanamh bunaithe ar fhianaise agus ar anailís, agus trí ardán a chur ar fáil chun comhpháirtithe, páirtithe leasmhara agus saoránaigh a rannpháirtiú i bpróiseas ceaptha beartas an Aontais agus sa díospóireacht faoi thodhchaí na hEorpa.

Scrúdaíonn an Clár um Rathúnas Inbhuanaithe don Eoraip (SPfE) ag EPC na bunchlocha agus na spreagthaí chun geilleagar Eorpach atá inbhuanaithe ó thaobh an chomhshaoil de agus iomaíoch a bhaint amach. Cé gur dúshlán casta í an ghéarchéim aeráide nach mór aghaidh a thabhairt uirthi, ní rogha í an neamhghníomhaíocht. Chun rath a bhaint amach laistigh de theorainneacha an phláinéid, ní mór athmhachnamh a dhéanamh ar an tsamhail eacnamaíoch ‘tóg-déan-diúscair’ atá ann cheana, truailliú a laghdú agus a bheith níos cliste leis na hacmhainní atá againn. Cuireann Comhaontú Pháras agus an Clár Oibre um Fhorbairt Inbhuanaithe treoir taistil ar fáil, agus glacann Clár SPfE páirt i ndíospóireacht maidir leis na bearta is gá chun aistriú cothrom chuig geilleagar agus sochaí atá inbhuanaithe ó thaobh an chomhshaoil de a bhaint amach. Díríonn sé ar réimsí inar féidir le comhoibriú ar fud an Aontais buntáistí suntasacha a thabhairt do na Ballstáit, do shaoránaigh agus do ghnólachtaí, agus rathúnas inbhuanaithe a chinntiú laistigh de theorainneacha an phláinéid seo.