Eagraíocht Bhia agus Talmhaíochta na Náisiún Aontaithe

Tá Eagraíocht Bhia agus Talmhaíochta na Náisiún Aontaithe i gceannas ar iarrachtaí idirnáisiúnta chun an t-ocras a shárú. Ag freastal ar thíortha forbartha agus ar thíortha i mbéal forbartha araon, gníomhaíonn FAO mar fhóram neodrach ina dtagann na náisiúin go léir le chéile ar bhonn comhionann chun comhaontuithe a chaibidliú agus chun beartas a phlé. Is foinse eolais agus faisnéise é FAO freisin. Cuidíonn FAO le tíortha i mbéal forbartha agus le tíortha atá i mbun aistrithe cleachtais talmhaíochta, foraoiseachta agus iascaigh a nuachóiriú agus a fheabhsú agus cothú maith a chinntiú do chách. Ó bunaíodh muid in 1945, dhírigh muid aird ar leith ar cheantair thuaithe a fhorbairt, áit a bhfuil 70 % de dhaoine bochta agus ocracha an domhain ina gcónaí. San Eoraip, áirítear ar ghníomhaíochtaí FAO fothú acmhainneachta i dtíortha na mBalcán agus i dtíortha eile in oirthear na hEorpa nach Ballstáit den Aontas iad.

Tá Oifig Réigiúnach FAO don Eoraip agus don Áise Láir ag cur Clár Comhair Theicniúil chun feidhme maidir le mapáil agus treoshuíomh beartais le haghaidh oiriúnú don athrú aeráide i dtíortha roghnaithe i bhforéigiúin CEE agus CA. Is iad cuspóirí an tionscadail (i) fardal a thiomsú de na staidéir, na bearta oiriúnaithe agus na beartais atá ar fáil a bhaineann le tionchair an athraithe aeráide a laghdú i réimse na talmhaíochta, na foraoiseachta agus an bhainistithe uisce i dtíortha roghnaithe d’fho-réigiúin Lár agus Oirthear na hEorpa (CEE) agus Lár na hÁise (CA), (ii) athbhreithniú a dhéanamh ar réamh-mheastacháin aitheanta ar thionchar an athraithe aeráide, cásanna beartais náisiúnta agus staidéir ionchais agus a n-impleachtaí réigiúnacha agus béim á leagan ar bhearta oiriúnaithe agus maolaithe sa talmhaíocht agus ansin, a mhéid is féidir, (iii) moltaí a fhorbairt maidir le dea-chleachtais do bhearta oiriúnaithe agus beartais ar an leibhéal náisiúnta agus réigiúnach (lena n-áirítear comhar idirnáisiúnta ar leibhéil thrasteorann agus fhoréigiúnacha) chomh maith le (iv) tograí le haghaidh cúnamh teicniúil do na balltíortha i réigiún na hEorpa agus na hÁise Láir le haghaidh freagairtí taighde agus oiriúnaithe amach anseo ar an leibhéal náisiúnta agus réigiúnach araon.
Is creatchlár uile-eagraíochta é
FAO-Adapt lena soláthraítear treoir ghinearálta agus lena dtugtar isteach prionsabail chomh maith le téamaí tosaíochta, gníomhartha agus tacaíocht cur chun feidhme do ghníomhaíochtaí FAO maidir le hoiriúnú don athrú aeráide.