Forest Europe — Comhdháil na nAirí maidir le Cosaint Foraoisí san Eoraip

Is é FOREST EUROPE (An Chomhdháil Aireachta um Chosaint Foraoisí san Eoraip) an próiseas beartais uile-Eorpach chun foraoisí na mór-roinne a bhainistiú ar bhealach inbhuanaithe. Forbraíonn FOREST EUROPE comhstraitéisí dá 46 Bhallstát agus don Aontas Eorpach maidir le conas foraoisí a chosaint agus a bhainistiú ar bhealach inbhuanaithe. Bunaithe in 1990, mar thoradh ar chomhoibriú leanúnach FOREST EUROPE tá éachtaí mar na treoirlínte agus na critéir maidir le bainistíocht inbhuanaithe foraoisí. Tá tábhacht mhór eacnamaíoch, chomhshaoil agus shóisialta ag baint le comhoibriú na n-airí atá freagrach as foraoisí san Eoraip ar an leibhéal náisiúnta agus idirnáisiúnta. Is iad ábhair ardtosaíochta FOREST EUROPE ról na bhforaoisí a neartú maidir leis an athrú aeráide a mhaolú, soláthar fionnuisce ar ardchaighdeán a dhaingniú, bithéagsúlacht foraoise a fheabhsú agus a chaomhnú agus táirgí foraoise a sholáthar. Cúraimí tábhachtacha eile is ea creat a fhorbairt le haghaidh comhar foraoise amach anseo agus féachaint an bhféadfaí teacht ar chomhaontú atá ceangailteach ó thaobh dlí maidir le foraoisí san Eoraip. Tá roinnt tíortha lasmuigh den Eoraip agus eagraíochtaí idirnáisiúnta, neamhrialtasacha agus san earnáil phríobháideach rannpháirteach mar bhreathnóirí. Tá FOREST EUROPE nasctha le próisis agus tionscnaimh dhomhanda agus réigiúnacha eile a dhéileálann le saincheisteanna a bhfuil an ábharthacht pholaitiúil agus shóisialta is airde acu a bhaineann le foraoisí. Is ag an Spáinn atá cathaoirleacht FOREST EUROPE faoi láthair.