Coimisiún OSPAR

Is é OSPAR an sásra trína gcomhoibríonn cúig Rialtas déag de chóstaí agus dobharcheantair iarthar na hEorpa, in éineacht leis an gComhphobal Eorpach, chun muirthimpeallacht an Atlantaigh Thoir Thuaidh a chosaint (lena n-áirítear: Uiscí Artacha, an Mhuir Thuaidh Mhór, an Mhuir Cheilteach, bá na Bioscáine agus Cósta na hIbéire, an tAtlantach Mór). 

Díríonn OSPAR ar 5 straitéis théamacha chun aghaidh a thabhairt ar na príomhbhagairtí

• an Straitéis Bhithéagsúlachta agus Éiceachórais,
• an Straitéis Eotrófaithe, 
• an Straitéis um Shubstaintí Guaiseacha,
• an Straitéis um Thionscal Eischósta, agus
•  an Straitéis maidir le Substaintí Radaighníomhacha.

Ina theannta sin, déanann an Clár Comhpháirteach um Measúnú agus um Fhaireachán measúnú ar stádas na muirthimpeallachta agus déanann sé obair leantach ar chur chun feidhme na straitéisí agus ar na tairbhí a eascraíonn astu don mhuirthimpeallacht. 

Bhreithnigh Coimisiún OSPAR freisin ábharthacht na saincheisteanna maidir leis an athrú aeráide i gcomhthéacs níos leithne, agus d’aithin sé go bhféadfadh an t-athrú aeráide difear a dhéanamh do phríomhghnéithe d’éiceachórais an Atlantaigh Thoir Thuaidh faoi láthair, ó pharaiméadair fhisiceacha, amhail teocht na farraige nó cúrsaíocht na n-aigéan, go dtí an bhithéagsúlacht agus próisis éiceolaíocha. I measc na n-éifeachtaí indíreacha tá aigéadú na n-aigéan agus athruithe a d’fhéadfadh teacht ar ionchuir ar talamh san fharraige.