Coinbhinsiún na Náisiún Aontaithe chun an gaineamhlú a chomhrac (UNCCD) (1994)

Bunaíodh an Coinbhinsiún in 1994 agus is é an t-aon chreat atá ceangailteach ó thaobh an dlí de a bunaíodh chun aghaidh a thabhairt ar fhairsingiú fásaigh agus chun éifeachtaí triomaigh a mhaolú. Tá baint ag 196 páirtí leis an UNCCD agus tugann sé aghaidh ar an gcomhshaol agus ar fhorbairt maidir le bainistiú inbhuanaithe talún. Chun é sin a bhaint amach, beidh gá le straitéisí comhtháite fadtéarmacha atá tiomanta do chur chuige ón mbun aníos. Ní mór dó sin a bheith comhsheasmhach le Clár 21, lena spreagtar rannpháirtíocht daoine áitiúla trí tháirgiúlacht talún agus athshlánú, caomhnú agus bainistiú inbhuanaithe acmhainní talún agus uisce a fheabhsú. Éascaíonn rúnaíocht an UNCCD comhar idir tíortha forbartha agus tíortha i mbéal forbartha, go háirithe maidir le haistriú eolais agus teicneolaíochta le haghaidh bainistiú inbhuanaithe talún.