Oifig na Náisiún Aontaithe um Laghdú Rioscaí Tubaistí (UNISDR)

Is é UNISDR, a cruthaíodh i mí na Nollag 1999, oifig na Náisiún Aontaithe chun rioscaí tubaiste a laghdú agus is é rúnaíocht na Straitéise Idirnáisiúnta um Laghdú Tubaistí é. Leathnaíodh sainordú UNISDR in 2001 chun feidhmiú mar phointe fócasach i gcóras na Náisiún Aontaithe chun laghdú tubaistí a chomhordú agus chun sineirgí a áirithiú i measc ghníomhaíochtaí laghdaithe tubaistí chóras na Náisiún Aontaithe agus eagraíochtaí agus gníomhaíochtaí réigiúnacha i réimsí socheacnamaíocha agus daonnúla (rún 56/195 ó Chomhthionól Ginearálta na Náisiún Aontaithe). Bhí sé sin mar fhreagairt ar an ngá atá le laghdú rioscaí tubaiste a phríomhshruthú laistigh d’fhorbairt agus de réimsí eile oibre na Náisiún Aontaithe. “Dearbhú Hyogo" agus "Creat Gníomhaíochta Hyogo 2005-2015: Building the Resilience of Nations and Communities to Disasters [Athléimneacht na Náisiún agus na gComhphobal a Thógáil do Thubaistí] a glacadh ag an gComhdháil Dhomhanda maidir le Laghdú Tubaistí, a tionóladh in Kobe, Hyogo, an tSeapáin, i mí Eanáir 2005. Chuir Creat Gníomhaíochta Hyogo (HFA) de chúram ar UNISDR tacú le cur chun feidhme HFA.