BISE, Córas Faisnéise Bithéagsúlachta don Eoraip

Is pointe iontrála aonair é an Córas Faisnéise Bithéagsúlachta don Eoraip (BISE) do shonraí agus d’fhaisnéis faoi bhithéagsúlacht san AE. Ag tabhairt fíricí agus figiúirí maidir le seirbhísí bithéagsúlachta agus éiceachórais le chéile, nascann sé le beartais ghaolmhara, lárionaid sonraí comhshaoil, measúnuithe agus torthaí taighde ó fhoinsí éagsúla. Tá sé á fhorbairt chun an bonn eolais a neartú agus chun tacú leis an gcinnteoireacht maidir leis an mbithéagsúlacht.

Is uirlis TF chomhoibríoch é BISE a chuireann leis na córais oibriúcháin atá ann cheana ar leibhéal an Aontais agus ar an leibhéal domhanda, bunaithe ar Fhoireann Uirlisí Shásra Theach Imréitigh na Bithéagsúlachta Eorpaí (EC-CHM).

Eagraíonn BISE faisnéis ar an leibhéal Eorpach faoi chúig phointe iontrála:

• Beartas: beartas, reachtaíocht agus gníomhaíochtaí tacaíochta a bhaineann le treoracha an Aontais, Plean Gníomhaíochta an Aontais maidir leis an mBithéagsúlacht (BAP), beartais uile-Eorpacha agus dhomhanda;
• Ábhair: staid na speiceas, gnáthóga, éiceachórais, éagsúlacht ghéiniteach, bagairtí ar an mbithéagsúlacht, tionchair chailliúint na bithéagsúlachta, meastóireacht ar fhreagairtí beartais;
• Sonraí: foinsí sonraí, staidreamh agus léarscáileanna a bhaineann le talamh, uisce, ithir, aer, muir, talmhaíocht, foraoiseacht, iascach, turasóireacht, fuinneamh, úsáid talún, iompar;
• Taighde: tionscadail taighde thábhachtacha uile-Aontais a bhaineann le seirbhísí bithéagsúlachta agus éiceachórais, lena bhfeabhsaítear an comhéadan idir eolaíocht agus beartas;
• Tíortha agus líonraí: gníomhaíochtaí náisiúnta tuairiscithe bithéagsúlachta agus comhroinnt faisnéise ag líonraí thar theorainneacha náisiúnta.