An tArdán Comhairleach um Infheistíocht san Oiriúnú don Athrú Aeráide (ADAPT)

Is tionscnamh nua é an tArdán Comhairleach um Infheistíocht san Oiriúnú Aeráide (ADAPT) a forbraíodh mar chuid de Phlean BEI um Oiriúnú Aeráide, agus é mar aidhm leis rannchuidiú go díreach le cuspóirí Straitéis an Aontais Eorpaigh um Oiriúnú.

Is ardán comhairleach é ADAPT arb é is aidhm dó imscaradh saineolais theicniúil agus airgeadais a éascú chun aghaidh a thabhairt ar riachtanais shonracha infheistíochta agus mhargaidh agus chun dlús a chur le maoiniú infheistíochtaí um oiriúnú don athrú aeráide a d’fhéadfadh athléimneacht cathracha, líonraí bonneagair, limistéar cósta, abhantrach, córas bia, foraoisí agus éiceachóras agus gníomhaíochtaí eile atá leochaileach i leith an athraithe aeráide a neartú.

Cuireann ADAPT seirbhísí comhairleacha, fothú acmhainneachta agus aistriú eolais ar fáil le linn gach céime de thimthriall an tionscadail i gcomhréir le spriocanna beartais chlár InvestEUagus JASPERS. Tá gach tasc comhairleach ADAPT curtha in oiriúint do riachtanais shonracha an tionscnóra tionscadail agus féadfar na gníomhaíochtaí seo a leanas a áireamh ann:

• tacaíocht réamhtheachtach;
• tacaíocht maidir le tionscadail a ullmhú, a fhorbairt agus a chur chun feidhme;
• fothú acmhainneachta agus múscailt feasachta

Is féidirle gach tionscnóir tionscadail poiblí agus príobháideach (cathracha, údaráis áitiúla, riaracháin réigiúnacha, údaráis bhainistíochta atá freagrach as cistí an Aontais), corparáidí agus eintitis san earnáil phoiblí (oibreoirí líonraí fuinnimh, táirgeoirí cumhachta, gníomhaireachtaí iompair phoiblí, údaráis chalafoirt, oibreoirí ospidéil, fiontair talmhaíochta, fóntais uisce) agus institiúidí airgeadais (baincthráchtála, institiúidí náisiúnta le haghaidh spreagadh, cuideachtaí árachais, bainisteoirí cistí) tairbhe a bhaint as an Ardán seo.