Ardán na hÉireann um Fhaisnéis Aeráide (ICIP) — Climate Ireland

Tá sé beartaithe go mbeidh an tArdán Faisnéise Aeráide d’Éirinn (ICIP) ag feidhmiú go hiomlán in 2017, tar éis cur chuige forbartha trí chéim. Sa chéad chéim (2011-2013) forbraíodh fréamhshamhail, ‘tairseach fionnachtana’. Sa dara céim (2013-2015) forbraíodh an tairseach chun tacú le cinnteoireacht ar an leibhéal áitiúil maidir le hoiriúnú don athrú aeráide, agus sa tríú céim forbartha atá ann faoi láthair (2015-2017) díríodh ar thacú le cinnteoireacht earnála maidir le hoiriúnú don athrú aeráide agus ar an ardán a ullmhú le haghaidh cur in úsáid oibríochtúil. Is é aidhm uileghabhálach Climate Ireland cabhrú leis an rialtas, le hearnálacha, le húdaráis áitiúla, le heagraíochtaí, le gnólachtaí agus leis an bpobal i gcoitinne dul in oiriúint d’iarmhairtí dosheachanta an athraithe aeráide trí i) eolas a fheabhsú agus feasacht a mhúscailt; faisnéis a sholáthar is gá le haghaidh oiriúnú don athrú aeráide; iii) cinnteoireacht maidir le hoiriúnú a éascú. Chun na críche sin, cuireann an t-ardán tacaíocht agus comhairle faisnéise ar fáil, lena n-áirítear sonraí agus réamh-mheastacháin aeráide, faisnéis faoin mbeartas maidir le hoiriúnú don athrú aeráide, raon cás-staidéar agus uirlisí oiriúnaithe, gluais, chomh maith le rochtain ar thuarascálacha, faisnéis faoi imeachtaí atá ar na bacáin agus nuacht ábhartha eile.

Pointí teagmhála:

Barry O’Dwyer: B.ODwyer@ucc.ie

Margaret Desmond: M.Desmond@epa.ie