An Lárionad Eolais um Bainistiú Rioscaí Tubaistí (DRMKC)

Seoladh an Lárionad Eolais um Bainistiú Rioscaí Tubaistí (DRMKC) an 30 Meán Fómhair 2015 chun cuidiú le feabhas a chur ar athléimneacht an Aontais agus na mBallstát i leith tubaistí agus ar a gcumas éigeandálaí a chosc, ullmhú dóibh agus freagairt dóibh trí chomhéadan neartaithe idir an eolaíocht agus an beartas.

Tá trí phríomhchuspóir ag an Lárionad Eolais um Bainistiú Rioscaí Tubaistí:

feabhas a chur ar sheirbhísí eolaíochtbhunaithe trí chomhpháirtíochtaí
lena bhfeabhsaítear úsáid agus glacadh taighde agus eolais oibríochtúil
lena gcuirtear eolaíocht agus teicneolaíocht chun cinn i mbainistiú riosca tubaiste.

I measc a chéad ghníomhaíochtaí, cuirfidh an Lárionad Eolais comhairle theicniúil ar fáil do na Ballstáit maidir le modheolaíochtaí measúnaithe riosca, agus déanfaidh sé líonraí eolaíocha maidir le hábhair ghaolmhara a bhaineann le bainistiú riosca tubaiste a chomhdhlúthú ag an am céanna. Chun úsáid agus glacadh taighde a éascú, forbróidh an Lárionad Eolais stór ar líne de thorthaí ábhartha taighde agus oibríochtúla. Cruthóidh an Lárionad Eolais líonra saotharlann bainistithe géarchéime agus binsí tástála freisin chun turgnaimh agus cleachtaí tagarmharcála a dhéanamh ar theicneolaíochtaí bainistithe géarchéime. Déanfaidh líonraí eolaithe agus lucht déanta beartas faoi scáth an Lárionaid Eolais anailís ar bhearnaí, ar dhúshláin agus ar fhorbairtí le déanaí i mbainistiú riosca tubaiste chun “Staid na heolaíochta agus na teicneolaíochta i mbainistiú riosca tubaiste” tréimhsiúil a tháirgeadh