Clár Cúnaimh um Bainistíocht na hEarnála Fuinnimh

Is clár domhanda eolais agus cúnaimh theicniúil é an Clár Cúnaimh um Bainistíocht na hEarnála Fuinnimh (ESMAP) arna riar ag an mBanc Domhanda. Is é an misean atá aige cabhrú le tíortha ísealioncaim agus meánioncaim cur leis an bhfios gnó agus leis an gcumas institiúideach chun réitigh fuinnimh atá inbhuanaithe ó thaobh an chomhshaoil de a bhaint amach ar mhaithe leis an mbochtaineacht a laghdú agus ar mhaithe leis an bhfás eacnamaíoch. Ó bunaíodh ESMAP in 1983, thacaigh sé le breis agus 800 gníomhaíocht san earnáil fuinnimh lena gcuirtear laghdú bochtaineachta, fás eacnamaíoch agus forbairt ísealcharbóin chun cinn i mbreis agus 100 tír. D’fhéadfadh earnálacha fuinnimh na dtíortha i mbéal forbartha a bheith íogair i leith éifeachtaí an athraithe aeráide, amhail laghdú ar bháisteach, ardú ar leibhéal na farraige, agus méadú ar mhinicíocht agus/nó ar dhéine tubaistí nádúrtha. Féachann obair ESMAP maidir le hoiriúnú le próisis a fhorbairt agus a thástáil chun bainistiú riosca aeráide a phríomhshruthú i bpleanáil agus in oibríochtaí na hearnála fuinnimh agus chun tacú le múscailt feasachta agus le haistriú eolais.