Taighde agus nuálaíocht maidir le dóiteáin foraoise

Bunaithe ar thorthaí an athbhreithnithe agus ar chonclúidí ceardlainne ilpháirtithe leasmhara, tá roinnt moltaí forbartha ag an gCoimisiún chun bainistiú dóiteán foraoise a fheabhsú. Ba cheart go leanfadh bainistiú éifeachtach dóiteán foraoise agus ceapadh beartais atá bunaithe ar riosca cur chuige comhtháite maidir le bainistiú dóiteán. Tá eolas maidir letaighde w hat atá á dhéanamh ag an Aontas chun dóiteáin foraoise a chosc, athbhreithniú ar thionscadail, imeachtaí agus foilseacháin atá maoinithe ag an Aontas ar fáil ar an tairseach faisnéise um thaighde agus nuálaíocht maidir le dóiteáin foraoise.

Príomh-mholtaí do lucht ceaptha beartas:

• acmhainneacht freagartha an Aontais ar thubaistí a threisiú
• tacú le hoibríochtaí coisctheacha réamhghníomhacha
• feabhas a chur ar an gcomhordú idir beartais an Aontais agus beartais náisiúnta ar fud na n-earnálacha
• beartais chomhshaoil a chomhtháthú le straitéisí bainistithe dóiteáin
• ullmhacht a fheabhsú agus dul i dteagmháil le pobail áitiúla   

Maoiniú ón
Aontas chun dóiteáin foraoise a bhainistiú:

Maoiníonn an tAontas taighde ar dhóiteáin foraoise trína chreat agus trí chláir chistiúcháin eile. Le fiche bliain anuas, fuair thart ar 60 tionscadal taighde maoiniú ón Aontas dar luach breis agus EUR 100 milliún. Orthu sin tá tionscadail mhórscála agus mhionscála agus comhaltachtaí aonair Marie-Sklodowska Curie faoi Fhís 2020. Spreag na tionscadail sin dul chun cinn maidir le heolas dóiteáin, bainistíocht oibríochtúil agus sásraí tacaíochta cinnteoireachta.