Sásra Eolais maidir le Riosca Foraoise

Ag tógáil ar Rún Aireachta na Bratasláive dar teideal Adapting pan-European forests to climate change [Foraoisí uile-Eorpacha a oiriúnú don athrú aeráide] (2021), tá FOREST EUROPE ag obair faoi láthair i dtreo an tsásra eolais uile-Eorpaigh maidir le riosca foraoise (FoRISK). Is é is aidhm dó tacú le hoiriúnú foraoisí don athrú aeráide agus athléimneacht agus acmhainneacht maolaithe foraoisí a fheabhsú.

Cuireadh Treoirthionscadal FoRISK chun feidhme ó mhí Mheán Fómhair 2022 go mí Feabhra 2024 le céim mheastóireachta agus aistrithe ina dhiaidh sin.

Tá an riosca a bhaineann le falscaithe thar a bheith ábhartha san Eoraip mar a luaitear i dtuarascáil Chlár Comhshaoil na Náisiún Aontaithe ‘Scaipeadhcosúil le Falscaithe: The Rising Threat of Extraordinary Landscape Fires[An Bhagairt ó Dhóiteáin Thírdhreacha Urghnácha atá ag Éirí Amach]. Is iomaí cúis atá leis sin, ach go háirithe an t-athrú aeráide agus dálaí triomadóra gaolmhara chomh maith le hathrú ar thalamhúsáid (e.g. tréigean talún) as a n-eascraíonn carnadh breosla, rud a spreagann méadú ar dhó ar fud na hEorpa. Bhí imeachtaí falscaithe, go háirithe imeachtaí mórscála, feiceálach sna meáin le blianta beaga anuas, rud a mhéadaigh feasacht ar dhóiteáin i measc na sochaí agus lucht ceaptha beartas.

Is é is aidhm don Sásra Eolais uile-Eorpach maidir le Rioscaí Foraoise feabhas a chur ar an gcomhar idir sínitheoirí agus breathnóirí agus ar mhalartú eolais maidir le bainistiú rioscaí foraoise ag an gcomhéadan idir eolaíocht agus beartas agus cleachtas.