Tionscadal Réigiúin 2020 — léarscáileanna agus tacair sonraí

Soláthraíonn ‘Réigiúin 2020’ an chéad anailís ionchasach ar an tionchar réigiúnach is dócha a bheidh ag ceithre cinn de na dúshláin is mó atá os comhair na hEorpa: an domhandú, an t-athrú déimeagrafach, an t-athrú aeráide agus an soláthar fuinnimh. Trí úsáid a bhaint as sraith táscairí, léirítear sna léarscáileanna a leochailí atá réigiúin na hEorpa i leith na ndúshlán sin, agus scrúdaítear na héagothromaíochtaí a d’fhéadfadh a bheith ann ar fud an Aontais. Chun anailís a dhéanamh ar thionchar an athraithe aeráide ar réigiúin NUTS-2 an Aontais, tógadh innéacs, ina n-úsáidtear faisnéis faoi leochaileacht na réigiún i leith triomaigh agus tuilte, éifeachtaí a d’fhéadfadh a bheith acu ar an talmhaíocht, ar an iascach agus ar an turasóireacht chomh maith le limistéir uirbeacha agus chósta, agus athruithe teochta agus frasaíochta á gcur san áireamh. Thairis sin, úsáidtear OTI in aghaidh an duine chun acmhainneacht oiriúnaithe na réigiún a ionadú. Leis an innéacs sin, roinneadh réigiúin NUTS-2 an Aontais i 3 ghrúpa de réir a leochaileachta i leith an athraithe aeráide. Chun na léarscáileanna a scrúdú, teastaíonn brabhsálaí le déanaí mar Google Chrome.