Bunachar sonraí na gConairí Socheacnamaíocha Comhroinnte (SSPanna)

Is é is aidhm do bhunachar sonraí SSP réamh-mheastacháin chainníochtúla na gConairí Socheacnamaíocha Comhroinnte (SSPanna), mar a thugtar orthu, agus cásanna gaolmhara an Mheasúnaithe Chomhtháite a dhoiciméadú. Tá na SSPanna mar chuid de chreat nua atá glactha ag an bpobal taighde ar athrú aeráide chun anailís chomhtháite ar thionchair aeráide, leochaileachtaí, oiriúnú agus maolú sa todhchaí a éascú.

Áirítear sa bhunachar sonraí réamh-mheastacháin maidir le forbairt daonra agus eacnamaíoch le haghaidh na ngnéithe seo a leanas:

1. daonra de réir aoise, gnéis agus oideachais;
2. uirbiú; agus
3. forbairt eacnamaíoch (OTI)

Sa bhreis ar bhuneilimintí socheacnamaíocha SSP, áirítear sa bhunachar sonraí réamhchásanna bunaithe ar SSP trí shamhlacha measúnaithe comhtháite (IAManna). Soláthraíonn na cásanna réamh-mheastacháin mhionsonraithe dhomhanda agus réigiúnacha, i measc nithe eile, maidir leis an méid seo a leanas:

1. soláthar agus úsáid fuinnimh;
2. úsáid talún;
3. Astaíochtaí gás ceaptha teasa agus astaíochtaí truailleán aeir;
4. meánfhórsáil radantach dhomhanda agus athrú teochta;
5. costais mhaolaithe.