Bearta oiriúnaithe agus maolaithe don athrú aeráide i nDeilt Ebro (LIFE EBRO-ADMICLIM)

Le tionscadal LIFE EBRO-ADMICLIM, cuirfear chun feidhme roinnt treoirghníomhaíochtaí maidir le hoiriúnú don athrú aeráide agus maolú ar an athrú aeráide i nDeilt Ebro, limistéar atá leochaileach d’ardú ar leibhéal na farraige agus do thurnamh. Cuirfidh sé cur chuige comhtháite i bhfeidhm maidir le huisce, dríodar agus gnáthóga (goirt ríse agus bogaigh) a bhainistiú, agus é mar aidhm leis ingearchló talún a bharrfheabhsú (trí ionchuir dríodair neamhorgánaigh agus ábhair orgánaigh), creimeadh cósta a laghdú, carnadh (ceapadh) carbóin san ithir a mhéadú, astaíochtaí gás ceaptha teasa a laghdú agus cáilíocht an uisce a fheabhsú.

Tá sé mar aidhm ag an tionscadal treoirlínte a bhunú do chlár beart oiriúnaithe agus maolaithe le béim ar earnáil na ríse. Beidh sé ríthábhachtach straitéis a cheapadh chun astaíochtaí gás ceaptha teasa a laghdú ar bhonn deonach, straitéis a mbeidh tacaíocht aici ó earnáil na ríse. D’fhéadfadh rátaí feabhsaithe ceaptha carbóin trí athrú ar chleachtais bhainistíochta (mar shampla, bainistiú uisce níos éifeachtúla) feabhas suntasach a léiriú a d’fhéadfaí a chur i bhfeidhm i mbogaigh chósta agus i bpáirceanna ríse eile san Aontas.