Athléimneacht Limistéar Stairiúil i gcoinne Guaiseacha a bhaineann leis an Aeráid agus Guaiseacha eile a Chur Chun Cinn (ARCH)

Is é is aidhm do thionscadal ARCH feabhas a chur ar athléimneacht réimsí a bhfuil luach cultúrtha agus stairiúil ag baint leo in aghaidh guaiseacha aeráide agus guaiseacha nádúrtha eile trí fhaisnéis níos fearr a chur ar fáil do chinnteoirí. Comhcheanglaíonn ARCH bainistiú riosca tubaiste, oiriúnú don athrú aeráide, agus bainistiú oidhreachta i bpróiseas foriomlán bainistithe riosca tubaiste. Tacaíonn sraith uirlisí leis sin: le córais bainistithe faisnéise, soláthraítear rochtain éasca ar fhaisnéis gheothagartha; tacaíonn córas tacaíochta cinntí le hanailísí tionchair agus iarmharta i gcásanna éagsúla; fardal de bhearta athléimneachta lenar féidir bearta feabhsaithe athléimneachta a shainaithint; agus le féinmheasúnú straitéiseach athléimneachta, is féidir laigí i straitéisí athléimneachta a shainaithint agus pleananna gníomhaíochta a cheapadh.

Tá sé beartaithe go n-úsáidfidh gníomhaithe ar leibhéal na cathrach agus an limistéir stairiúil réitigh ARCH atá freagrach as bainistiú oidhreachta, athléimneacht, oiriúnú don athrú aeráide, inbhuanaitheacht agus bainistiú riosca tubaistí. Chun infheidhmeacht dhíreach na réiteach uile a áirithiú, tá ceithre bhardas Eorpacha ar fhoireann ARCH: An Bhratasláiv, Camerino, Hamburg, agus Valencia. Forbraítear na réitigh uile in éineacht leis na bardais sin i gcur chuige comhchruthaithe. Ina theannta sin, le Creat Foghlama Frithpháirtí leathnaítear líonra na gcleachtóirí go 12 bhardas Eorpacha bhreise, rud a chinntíonn inmhacasamhlaitheacht fhorleathan thorthaí an tionscadail.

ECCA 2021 — Físeán maidir le réitigh um oiriúnú don athrú aeráide – ARCH