Ciorcail Uisce na Cathrach (CWC)

Tá cathracha i lár na hEorpa ag éirí níos leochailí i gcoinne tuilte uirbeacha mar gheall ar rioscaí hidreolaíocha de bharr an athraithe aeráide agus ag an am céanna déanann siad fadhb an ghanntanais uisce níos measa. In éineacht leis an méadú atá ag teacht ar thomhaltas uisce óil agus, dá bhrí sin, an méadú atá ag teacht ar mhéideanna fuíolluisce atá le cóireáil, cuireann sé sin sábháilteacht na soláthairtí uisce amach anseo i mbaol.

Is é is aidhm do thionscadal CWC cabhrú le bardais athchóiriú a dhéanamh ar chórais bonneagair uisce uirbigh atá as dáta trí chur chuige geilleagair chiorclaigh a chur i bhfeidhm, rud a chuireann go leor tairbhí eacnamaíocha agus comhshaoil ar fáil. Bainfear é sin amach leis an tionscadal trí chultúr coigilte uisce a chur chun cinn, lena n-áirítear úsáid acmhainní uisce neamhghnácha agus trí bheith ar thús cadhnaíochta maidir le huisce báistí uirbeach a bhaint agus a úsáid chomh maith le bearta aisghabhála uisce léith ar leibhéal na cathrach.

Tagann na comhpháirtithe le chéile chun bonn eolais a chruthú do bhainistiú ciorclach uirbeach uisce. Cuirfear é seo ar fáil mar acmhainní foghlama digiteacha do gach duine atá toilteanach níos mó a fhoghlaim faoin ábhar. Déanfaidh na comhpháirtithe sraith modhanna agus uirlisí nuálacha (réitigh cheannródaíocha theicneolaíocha agus dhúlra-bhunaithe, uirlisí rialachais chliste lena bhfiosraítear scéimeanna nua comhair agus maoinithe) a fhorbairt i gcomhar le páirtithe leasmhara áitiúla, ar féidir iad a úsáid ar fud lár na hEorpa.