Oiriúnú don Athrú Aeráide trí bhonneagar cósta atá íogair ó thaobh na héiceolaíochta de (Ecostructure)

Is é is aidhm don éiceastruchtúr feasacht a mhúscailt maidir le réitigh éicea-innealtóireachta ar an dúshlán a bhaineann le hoiriúnú cósta don athrú aeráide trí uirlisí agus acmhainní inrochtana a chur ar fáil d’fhorbróirí agus do rialtóirí, bunaithe ar thaighde idirdhisciplíneach i réimsí na héiceolaíochta, na hinnealtóireachta agus na socheacnamaíochta. Tá sé mar aidhm ag Éiceastruchtúr ionchorprú tairbhí tánaisteacha éiceolaíocha agus sochaíocha i gcosaint chósta agus i struchtúir fuinnimh in-athnuaite a chur chun cinn, a rachaidh chun tairbhe don chomhshaol, do phobail chósta agus d’earnálacha gorma agus glasa gheilleagair na hÉireann agus na Breataine Bige. Is oibríocht é Ecostructure atá le cur ar fáil go díreach ag comhpháirtíocht idirdhisciplíneach ina dtugtar le chéile sainfhoireann ó chúig ollscoil diantaighde sa Bhreatain Bheag agus in Éirinn.

Is iad príomh-aschuir an Éiceastruchtúir uirlisí agus acmhainní atá dírithe ar gheallsealbhóirí, atá ceaptha chun feasacht a mhúscailt agus glacadh deiseanna a éascú chun réitigh éicea-innealtóireachta cósta a úsáid ar oiriúnú don athrú aeráide.  Tá tionscnamh múscailte feasachta spriocdhírithe ag gabháil le gach aschur, ina n-úsáidtear na meáin shóisialta, bileoga eolais, ríomh-nuachtlitreacha agus sásra nuálach bailithe agus aistrithe faisnéise an Éiceastruchtúir féin atá bunaithe ar GIS chun nascadh le húsáideoirí deiridh ionchasacha.