Seirbhísí Aeráide a Chomhfhorbairt chun oiriúnú d’Éiceachórais Mhuirí atá ag athrú (CoCliME)

Déanann tionscadal CoCliME seirbhísí saincheaptha, cruthúnas coincheapa nó fréamhshamhlacha aeráide éiceachórais mhuirí a chomhfhorbairt agus a chomhtháirgeadh mar aon le creat inaistrithe chun seirbhísí aeráide a fhorbairt, chun tacú le cinnteoireacht fheasach a bhaineann le tionchair éiceolaíocha agus shocheacnamaíocha a bhaineann leis an athrú aeráide ar fud réigiúin chósta éagsúla. Chun na cuspóirí sin a bhaint amach, tugann cuibhreannas nuabhunaithe CoCliME foireann thrasdisciplíneach eolaithe nádúrtha agus sóisialta, cinnteoirí agus úsáideoirí seirbhísí aeráide le chéile a idirghníomhaíonn go dinimiciúil chun leochaileachtaí agus réitigh choiteanna agus tosaíochta a bhaineann leis an athrú aeráide a shainaithint i sé limistéar cósta Eorpacha (cás-staidéir ar an Atlantach, ar Mhuir Bhailt, ar an Muir Dhubh, ar an Meánmhuir, ar an Muir Thuaidh agus ar Mhuir na hIorua).

Sna limistéir sin, díríonn CoCliME ar tháscairí stádais éiceachórais chósta (e.g. blásanna algacha díobhálacha, biththocsainí agus pataiginí muirí, bithéagsúlacht mhiocróbach mhuirí) ar féidir tionchar suntasach a bheith ag an athrú aeráide orthu agus a mbíonn tionchar díreach acu ar shláinte an duine (nimhiú bia-iompartha agus neamhoird sláinte a bhaineann le cáilíocht uisce), rathúnas eacnamaíoch (iascach, dobharshaothrú, turasóireacht) agus folláine shóisialta (áineas). Ón tús, le cur chuige comhléiriúcháin agus comhfhorbartha i leith seirbhísí aeráide, sainaithnítear riachtanais faisnéise agus eolais na gcinnteoirí agus na n-úsáideoirí, agus déantar cinnteoireacht áitiúil, náisiúnta agus Eorpach maidir le hoiriúnú do thionchair an athraithe aeráide a éascú agus a luathú.