Dúshlán Aeráide an Chósta go Cósta (LIFE IP C2C CC)

Mar fhreagairt ar an aeráid atá ag athrú, go háirithe an iomarca uisce agus patrúin aimsire nach féidir a thuar, tá sé mar aidhm ag an tionscadal Dúshlán Aeráide an Chósta go Cósta réigiún atá athléimneach ó thaobh na haeráide de a chruthú le cur chuige iomlánaíoch. Mar thoradh ar straitéis fhadtéarmach, a fhorbrófar i gcomhar le páirtithe leasmhara, cuirfear pleananna áitiúla maidir le hoiriúnú don athrú aeráide (CCA) chun feidhme ar bhealach spriocdhírithe, déanfar anailísí agus gníomhaíochtaí comhordaithe CCA, agus déanfar acmhainní agus acmhainneachtaí oiriúnaitheacha na saoránach, na mbardas, na bhfóntas agus na gcuideachtaí in earnáil an uisce a shainaithint agus a fheabhsú. 

Measann C2C CC gur dúshlán trasteorann iad pleananna CCA ina bhfuil comhordú, comhroinnt eolais agus fothú acmhainneachta riachtanach le haghaidh rialachas feabhsaithe agus forbairt uirlisí agus nuálaíochta. Díríonn sé ar cheithre théama a bhaineann leis an timthriall hidreolaíoch: farraige agus fiordanna, aibhneacha, screamhuisce agus uisce báistí. Forlíontar iad sin le trí théama thrasearnálacha: rialachas, uirlisí agus nuálaíocht. Éascaíonn Réigiún na Danmhairge Láir an tionscadal agus tacaíonn sé le cur chun feidhme 21 phlean oiriúnaithe cathrach agus 4 phlean bainistíochta riosca.