Tionscnamh um fhoghlaim chomhoibríoch a bhainistíonn an comhshaol agus a théann in oiriúint dó (CLIMATE)

Is é príomhchuspóir an tionscadail feasacht ar an athrú aeráide a chur chun cinn agus a fheabhsú i bpobail tuaithe imeallacha na hEorpa trí chur chuige eolasbhunaithe agus trí phleanáil acmhainní inbhuanaithe faoi stiúir an phobail lena rachfar i ngleic le tionchair an athraithe aeráide amach anseo.

Is é is aidhm don tionscadal réitigh nua bainistíochta comhshaoil a chruthú amhail samhail dea-chleachtais chun Plean um Oiriúnú don Athrú Aeráide agus maitrís scála ullmhachta a fhorbairt a úsáidfidh údaráis áitiúla ar fud réigiún an Fhorimill Thuaidh agus an Artaigh (NPA). Úsáidfear an tsamhail seo ansin chun Pleananna Oiriúnaithe Aeráide a fhorbairt do thrí údarás áitiúla. 

Scrúdaíonn an tionscadal féidearthachtaí agus réitigh phraiticiúla maidir le hoiriúnú don athrú aeráide ar fud an réigiúin, ag tabhairt le chéile saineolas oiriúnaithe agus cineálacha cur chuige ón mbun aníos faoi stiúir an phobail, ag sainaithint dea-chleachtas agus deiseanna le haghaidh aistriú feasa gnó laistigh den réigiún.

Tugann na comhpháirtithe trasnáisiúnta meascán cleachtóirí, lucht déanta beartas, gníomhaireachtaí reachtúla chomh maith leis an saol acadúil le chéile chun cur chuige coiteann a fhorbairt, rud a thugann an deis foghlaim chomhroinnte agus aistriú eolais a dhéanamh ar fud an Fhorimill Thuaidh agus an Artaigh agus níos faide i gcéin.