Aigéadú sáile a laghdú Carbóin atmaisféarach a bhaint (DESARC-MARESANUS)

Tugann an tionscadal taighde DESARC-MARESANUS aghaidh ar dhá fhadhb chomhshaoil a bhfuil tábhacht mhór leo: an méadú ar thiúchan atmaisféarach dé-ocsaíde carbóin (CO2) agus aigéadú na n-aigéan dá bharr.

Chun an téamh domhanda a theorannú “go mór faoi bhun 2 °C”, mar a comhaontaíodh faoi Chomhaontú Pháras, tá sé ríthábhachtach astaíochtaí gás ceaptha teasa a laghdú go mór ach ní leor é a thuilleadh, ós rud é go bhfuil gá le tús a chur le CO2 a bhaint den atmaisféar, dá shuntasaí é, is ea is mó a chuirtear an laghdú ar astaíochtaí siar.

Is é is aidhm don tionscadal DESARC-MARESANUS staidéar agus measúnú a dhéanamh ar phróiseas chun CO2 a bhaint as an atmaisféar agus gníomhú ag an am céanna in aghaidh aigéadú na n-aigéan. Tá an próiseas sin bunaithe ar ghású bithmhaise chun aol a tháirgeadh a scaiptear sna haigéin chun a n-aigéadacht a laghdú, agus chun seachtháirgí fuinnimh dícharbónaithe amhail hidrigin a ghiniúint freisin. Tá sé mar aidhm ag gníomhaíocht taighde thionscadal DESARC-MARESANUS staidéar níos mionsonraithe a dhéanamh ar indéantacht theicniúil agus eacnamaíoch an phróisis, agus ar na tairbhí d’earnáil na mara, ag díriú ar an Meánmhuir.