Triomach RIsk i Réigiún na Danóibe (DRIDANUBE)

Is minic a bhuail ganntanasuisce agus triomaigh réigiún na Danóibe agus bhí tionchar mór acu ar gheilleagar agus ar leas na ndaoine. In ainneoin damáistí le fiche nó tríocha bliain anuas, ní mheastar fós gur saincheist ardtosaíochta é triomach agus níl daoine ar an eolas faoina thionchair.

Is é príomhchuspóir thionscadal DriDanube cur le cumas réigiún na Danóibe rioscaí a bhaineann le triomach a bhainistiú. Is é is aidhm don tionscadal cuidiú leis na páirtithe leasmhara uile a bhfuil baint acu le bainistiú triomaigh éirí níos éifeachtúla le linn freagairt éigeandála triomaigh agus ullmhú níos fearr don chéad triomach eile.

Beidh Seirbhís na nÚsáideoirí Triomaigh ar cheann de phríomhtháirgí an tionscadail, rud a chumasóidh faireachán triomaigh níos cruinne agus níos éifeachtúla agus luathrabhadh tráthúil. Comhtháthóidh an tseirbhís na sonraí go léir atá ar fáil, lena n-áirítear líon mór de na táirgí cianbhraiteachta is déanaí.

Déanfaidh DriDanube comhchuibhiú ar na modheolaíochtaí ilchineálacha atá ann faoi láthair le haghaidh measúnuithe riosca agus tionchair, bunaithe ar an méid atá bainte amach cheana sna tíortha rannpháirteacha agus ar threoirlínte an Aontais faoi chuimsiú an tSásra um Chosaint Shibhialta.

Cuirfear dlús leis na frithghníomhartha malla atá ann faoi láthair le linn triomaigh leis an bpróiseas cinnteoireachta feabhsaithe i ngach cuid den timthriall bainistithe triomaigh (faireachán-measúnú tionchair-freagairt-aisghabháil-ullmhacht) lena neartófar acmhainneachtaí na bpáirtithe leasmhara (beartas, úsáideoirí gairmiúla, úsáideoirí deiridh) ar leibhéil éagsúla. Beidh cultúr ullmhachta méadaithe ar fud réigiún na Danóibe mar thoradh air sin.

Is é an príomhthoradh a bhfuiltear ag súil leis ó DriDanube freagairt éigeandála triomaigh níos fearr agus comhar níos fearr i measc seirbhísí oibríochtúla agus údaráis chinnteoireachta i réigiún na Danóibe ar an leibhéal náisiúnta agus réigiúnach.