Meascáin Eorpacha d’Fhuinneamh Aeráide (ECEM)

Is Tionscadal Copernicus um Sheirbhísí don Athrú Aeráide (C3S) é European Climatic Energy Mixes (ECEM) lena bhforbraítear, i ndlúthchomhar le hearnáil an fhuinnimh, samhail cruthúnais coincheapa — nó taispeántóir. Is é is cuspóir dó a chur ar chumas an tionscail fuinnimh agus lucht ceaptha beartas measúnú a dhéanamh ar cé chomh maith agus a chomhlíonann an soláthar fuinnimh an t-éileamh san Eoraip thar thréimhsí ama éagsúla, ag díriú ar an ról atá ag an aeráid ar sholáthar agus éileamh fuinnimh.

Tá athrú mór ag teacht ar earnáil an fhuinnimh. Tá dúshlán á thabhairt don tsamhail sheanbhunaithe de ghléasraí cumhachta teirmí traidisiúnta a sholáthraíonn an chuid is mó den chumhacht ‘dhocht’ chun freastal ar éileamh athraitheach mar gheall ar an sciar den soláthar cumhachta atá ag méadú go seasta ó fhoinsí in-athnuaite inathraitheacha fuinnimh (RE), amhail an ghaoth agus an ghrian. Tá an inathraitheacht éilimh ag dul i méid freisin mar thoradh ar úsáid fhorleathan giniúna leabaithe ar mionscála (e.g. grianfhuinneamh dín) agus aerchóiriúcháin, agus is féidir léi tuilleadh athraithe a dhéanamh mar fhreagairt ar chomharthaí praghais, agus ar aeráid atá ag síorathrú. Ag an am céanna, tá laghdú suntasach tagtha ar chostas ceallraí, rud a fhágann go bhfuil stóráil leictreachais ag éirí níos inmharthana ó thaobh na heacnamaíochta de.

Baineann cuideachtaí agus oibreoirí fuinnimh, amhail OCTanna, agus lucht ceaptha beartas fuinnimh tairbhe as an taispeántóir seirbhíse aeráide comhdheartha toisc go n-áirítear ann sraith uirlisí chun measúnú níos fearr a dhéanamh ar roghanna meascáin fuinnimh ar fud na hEorpa. Rud atá tábhachtach, tá sé mar aidhm ag an taispeántóir:

• A áirithiú go léiríonn na meascáin fuinnimh tíre dálaí aeráide mar is ceart, lena n-áirítear a n-athraitheacht, agus, dá bhrí sin, go gcuireann sé ar chumas úsáideoirí deiridh measúnú níos fearr a dhéanamh ar an meascán soláthair is fearr is féidir a bheidh in ann freastal ar an éileamh ar an mbealach is costéifeachtaí;
• Cur chuige comhleanúnach a thairiscint maidir leis na hathróga/táscairí aeráide a úsáidtear san éileamh cumhachta/sa chothromaíocht soláthair, breisluach i ndáil leis an gcleachtas reatha san earnáil, i gcás nach mbíonn sonraí aeráide agus ESCIInna díorthaithe aonchineálach go fisiceach agus/nó cothrom i gcónaí.

 

Tá an claochlú sin in earnáil an fhuinnimh ag tarlú in aghaidh aeráid athraitheach atá ag athrú. I bhfianaise spleáchas an fhuinnimh in-athnuaite agus an éilimh araon ar an aimsir agus ar an aeráid (fiú i gcás glacadh mór stórála), tá sé tábhachtach an uirlis láidir aeráide sin a fhorbairt chun comhairle a chur ar phleanálaithe fuinnimh agus ar lucht ceaptha beartas.