Slándáil bia, Talmhaíocht, Athrú Aeráide ERA-NET plus (FACCE-ERA-NET Plus)

Is é is aidhm do Ghníomhaíocht FACCE-ERA-NET Plus Glao Comhpháirteach maidir le Talmhaíocht Chliste Aeráide a eagrú, a chur chun feidhme agus a mhaoiniú mar chuid den Tionscnamh Comhphleanála maidir le Talmhaíocht, Slándáil Bia agus Athrú Aeráide (FACCE-JPI), agus ar an gcaoi sin leibhéal an chomhordaithe idir comhlachtaí cistiúcháin taighde Eorpacha i réimse na Talmhaíochta, na Slándála Bia agus an Athraithe Aeráide a mhéadú tuilleadh. Rannchuideoidh sé sin le cuspóir foriomlán an Aontais an Limistéar Eorpach Taighde a fhorbairt i réimse na talmhaíochta, na slándála bia agus an athraithe aeráide, chomh maith leis an gcuspóir eolaíoch athléimneacht i gcórais táirgeachta talmhaíochta a fheabhsú, trí chomhar agus comhordú feabhsaithe na gclár taighde náisiúnta. Dá réir sin, cuideoidh sé sin le dul i ngleic leis an dúshlán sochaíoch a bhaineann le slándáil bia a áirithiú i bhfianaise an athraithe aeráide.

Tá an Ghníomhaíocht FACCE-ERA-NET Plus seo ar cheann de na gníomhaíochtaí JPI atá dírithe ar chlársceidealú taighde a ailíniú i measc a chomhaltaí san fhadtéarma ionas go méadófar éifeachtúlacht an chistithe taighde, go gcumhdófar bearnaí, go seachnófar dúbláil agus go soláthrófar taighde nuálach ardleibhéil san Eoraip. D’aontaigh tíortha rannpháirteacha FACCE — JPI gur tosaíocht taighde é an t-oiriúnú don athrú aeráide, agus gheall a bhformhór maoiniú don ghníomhaíocht ERA-NET Plus seo. Oireann an ionstraim ERA-NET Plus go háirithe don Tionscnamh Comhphleanála toisc go dtugann sí dreasacht bhreise do thíortha rannpháirteacha dul i mbun rannpháirtíochta ó thaobh airgeadais de ar phríomhthéama a bhfuil spéis mhór ann ar an leibhéal náisiúnta agus ar an leibhéal réigiúnach ar fud na hEorpa.