Feabhas a chur ar Rialú Cliste ar Thruailliú Aeir san Eoraip (iSCAPE)

Tá sé mar aidhm ag an tionscadal iSCAPE rialú cáilíochta aeir agus astaíochtaí carbóin a chomhtháthú agus a chur chun cinn i gcathracha na hEorpa i gcomhthéacs an athraithe aeráide trí straitéisí feabhsúcháin truaillithe aeir inbhuanaithe agus éighníomhacha, idirghabhálacha beartais agus tionscnaimh athraithe iompraíochta a fhorbairt. Thug an tionscadal aghaidh ar an bhfadhb a bhaineann le truailliú aeir a laghdú ag spriocghabhdóirí le cur chuige nuálach faoi stiúir FBManna, ag díriú ar úsáid ‘córais rialaithe éighníomhacha’ i spásanna uirbeacha.

Baineadh amachfeabhsuithe ar cháilíocht an aeir, ar ghnéithe miocraeráide agus iompraíochta de chónaitheoirí cathrach trí fhíor-idirghabhálacha fisiciúla a chur i bhfeidhm ar an bhfabraic uirbeach chun rátaí aerála agus patrúin scaipthe a athrú i gcathracha roghnaithe a ndearnadh measúnú orthu le haghaidh cásanna athraithe aeráide amach anseo agus a bheidh ionadaíoch ar stíleanna cultúrtha agus saoil éagsúla san Eoraip. Trí úsáid a bhaint as cur chuige na Saotharlann Beo, rinne an fhoireann líonra braiteoirí meitéareolaíocha agus cáilíochta aeir (idir sheasta agus shoghluaiste) a chur in úsáid agus rinne siad measúnú trí anailís agus trí shraith samhlacha uimhriúla nuashonraithe ar na tairbhí a bhfuiltear ag súil leo ó idirghabhálacha ar scála comharsanachta agus cathrach do ghnéithe éagsúla ó chainníochtú tiúchana truailleán go nochtadh. Cuimsíonn iSCAPE coincheap na ‘gcathracha cliste’ trí úsáid braiteoirí ar chostas íseal a chur chun cinn, trí ról a thabhairt do shaoránaigh maidir le próisis réitigh mhalartacha a úsáid ar fhadhbanna comhshaoil. Thacaigh iSCAPE le forbairt uirbeach inbhuanaithe trí chomhroinnt torthaí le lucht ceaptha beartas agus pleanálaithe a chur chun cinn trí úsáid a bhaint as cásanna tástála áitiúla, agus trí fhianaise eolaíoch a sholáthar maidir le réitigh atá réidh le húsáid a bhféadfadh idirghabhálacha oibríochtúla fíor-ama a bheith mar thoradh orthu. Áiríodh leis an gcur chuige comhtháite sin forbairt agus meastóireacht a dhéanamh ar chreat chun iompar soghluaisteachta daoine a athrú trí staidéar a dhéanamh ar na próisis agus ar an dinimic as a n-eascraíonn cathracha níos athléimní, níos sláintiúla agus níos inbhuanaithe, lena dtugtar le chéile teoiric na pleanála uirbí, an bheartais phoiblí, na socheolaíochta uirbí agus comhshaoil agus na tíreolaíochta uirbí.

Le linn thráthchlár an tionscadail, foilsíodh roinnt tuarascálacha agus foilseachán, ina measc (i) athbhreithniú idirdhisciplíneach ar chrainn uirbeacha, ar cháilíocht an aeir, agus ar asma, (ii) imscrúduithe allamuigh chun meastóireacht a dhéanamh ar éifeachtaí bonneagair ghlais ar cháilíocht an aeir i ndálaí oscailte bóthair, agus (iii) Tuarascáil ar an athrú aeráide agus ar idirghníomhaíochtaí maidir le cáilíocht an aeir.

Breathnaigh ar fhíseán faoin tionscadal.