Measúnú Riosca ar Bhonneagar Ilghuaiseach le haghaidh Oiriúnú don Athrú Aeráide (MIRACA)

Agus méadú ag teacht ar theagmhais adhaimsire ar fud na mór-roinne, tá cinnteoirí ag tuiscint go tapa nach bhfuil bonneagar criticiúil na hEorpa in ann déileáil le héifeachtaí an athraithe aeráide. Mar fhreagairt ar an mbéim mhéadaitheach ar a thábhachtaí atá sé bonneagar criticiúil na hEorpa a uasghrádú agus a oiriúnú, tá sé d’aidhm ag tionscadal MIRACA measúnú a dhéanamh ar an riosca ilghuaise do bhonneagar criticiúil na hEorpa agus sraith straitéisí tacaíochta cinntí fianaise-bhunaithe a fhorbairt chun cabhrú le húdaráis agus le bainisteoirí bonneagair straitéisí agus réitigh oiriúnaithe a fhorbairt.
Is é misean an tionscadail údaráis phoiblí agus bainisteoirí bonneagar criticiúil a chumhachtú chun limistéir atá i mbaol riosca a aimsiú agus straitéisí oiriúnaithe inacmhainne a fhorbairt chun na damáistí fisiciúla agus eacnamaíocha a d’fhéadfadh eascairt as an athrú aeráide a mhaolú.
Níl na modhanna atá ann cheana le haghaidh anailís riosca aeráide curtha in oiriúint do chastachtaí na mBonneagar Criticiúil, toisc nach gcuireann siad idirthuilleamaíochtaí córas san áireamh i gceart agus toisc go bhfuil príomhbhearnaí sonraí iontu.

Tá sé d’aidhm ag an tionscadal freisin cumais samhla nua a fhorbairt chun breithmheas iomlán a dhéanamh ar na tairbhí do dhaoine agus do ghnólachtaí a bhaineann le córais bhonneagair atá athléimneach ó thaobh na haeráide de.