Comhéabhlóidiú ghníomhaíochtaí an duine agus an chórais nádúrtha a chur chun cinn chun turasóireacht inbhuanaithe chósta agus mhuirí a fhorbairt (CO-EVOLVE)

Is é is aidhm don tionscadal comhéabhlóidiú ghníomhaíochtaí an duine agus na gcóras nádúrtha i limistéir chósta thurasóireachta a anailísiú agus a chur chun cinn, ar gníomhaíochtaí iad a bhfuil éifeachtaí acu mar gheall ar an athrú aeráide agus forbairt inbhuanaithe gníomhaíochtaí turasóireachta a cheadú, i gcómhaireachtáil agus i sineirgíocht le húsáidí eile an spáis agus na n-acmhainní cósta agus muirí, bunaithe ar phrionsabail Bhainistiú Comhtháite an Chreasa Cósta (ICZM) agus na Pleanála Spásúla Muirí (MSP).

Aithníonn CO-EVOLVE gur príomhdhúshlán d’fhorbairt inbhuanaithe na turasóireachta cósta agus muirí é an comhar idir réigiúin a neartú agus cuir chuige, uirlisí, treoirlínte agus dea-chleachtais a fhorbairt agus a aistriú go comhpháirteach. Tugtar le chéile ann anailís ar scála na Meánmhara ar bhagairtí agus ar thosca cumasúcháin don turasóireacht inbhuanaithe agus staidéir áitiúla ar sheacht Limistéar Píolótacha ionadaíocha.

Is iad seo a leanas príomhchuspóirí CO-EVOLVE:

• Anailís a dhéanamh ar bhagairtí (lena n-áirítear an t-athrú aeráide, cobhsaíocht mhoirfeolaíoch, uirbiú, truailliú, coinbhleachtaí úsáide, etc.) agus tosca cumasúcháin (cosaint chósta agus éiceachóras, timthriall uisce agus dí-íonadh, iompar agus inrochtaineacht, agus reachtaíocht agus rialachas) don turasóireacht inbhuanaithe sa Mheánmhuir;
• Inbhuanaitheacht turasóireachta sa Mheánmhuir a shainiú agus a chainníochtú; agus
• Pleananna gníomhaíochta ICZM/MSP a fhorbairt d’fhorbairt na turasóireachta inbhuanaithe i limistéir phíolótacha agus d’aistriú ar scála na Meánmhara.