Straitéisí maidir le feirmeoireacht orgánach agus feirmeoireacht íseal-ionchuir chun an t-athrú aeráide a mhaolú agus chun oiriúnú dó (LIFE SOLMACC)

Tá sé mar aidhm ag tionscadal SOLMACC a léiriú gur féidir le feirmeoireacht a bheith neamhdhíobhálach don aeráid trí mheascán de chleachtais feirmeoireachta orgánaí optamaithe a chur i bhfeidhm chun freagairt don athrú aeráide.  Roghnaíodh 12 fheirm taispeántais ar fud na hEorpa agus rinne feirmeoirí a dteicnící talmhaíochta a choigeartú le 5 bliana anuas faoi dhlúthfhaireachán eolaíoch agus faoi dhlúthmhaoirseacht eolaíoch. Leis an samhaltú beifear in ann réamh-mheastacháin a dhéanamh maidir leis an tionchar fadtéarmach ar an ithir, ar an mbithéagsúlacht agus ar an aeráid agus úsáidfear torthaí an tionscadail chun cuir chuige inaistrithe a fhorbairt d’fheirmeacha eile, bídís orgánach nó traidisiúnta.
Féachann SOLMACC le glacadh níos leithne cleachtas nuálach a chur chun cinn ar féidir leo rannchuidiú le cuspóirí an Aontais maidir le maolú ar an athrú aeráide agus oiriúnú don athrú sin a bhaint amach in earnáil an bhia agus na feirmeoireachta.
Cuirfidh an 12 fheirm orgánacha sa tSualainn, sa Ghearmáin agus san Iodáil ceithre chleachtas feirmeoireachta nuálacha atá neamhdhíobhálach don aeráid i bhfeidhm: athchúrsáil optamaithe cothaitheach ar an bhfeirm; uainíocht bharr optamaithe le lionsaí léagúim-féir; córas curaíochta optamaithe; agus agrafhoraoiseacht.