Tionscadal OCP UISCE (WATERPRO)

Is é sprioc fhoriomlán WaterPro uirlisí agus samhlacha éiceaéifeachtúla a fhorbairt le haghaidh dea-bhainistiú agus cosaint cháilíocht an uisce i limistéir an Fhorimill Thuaidh agus an Artaigh (NPA). Dírítear go príomha ar rith chun srutha ón talmhaíocht agus ó láithreáin eastósctha mianraí a rialú agus a bhainistiú, ar earnálacha tábhachtacha iad araon ó thaobh an gheilleagair de ach a chruthaíonn bagairtí truaillithe don timpeallacht uisce agus ithreach.  Líonfaidh WaterPro na bearnaí sin trí phíolótú comhoibríoch i roinnt suíomhanna.

Déanfar é sin trí bhosca uirlisí dea-chleachtas bainistíochta agus ardán cumarsáide a fhorbairt do thionscail na talmhaíochta agus na mianadóireachta. Ina theannta sin, cuirfear roinnt cleachtas nuálach ar chostas íseal chun feidhme i láithreáin phíolótacha iarbhír agus déanfar meastóireacht ar a gcóireáil agus a gcostéifeachtúlacht. 

Cuirfidh WaterPro feabhas freisin ar ullmhacht na n-údarás freagrach agus na n-úsáideoirí acmhainní áitiúla chun cáilíocht an uisce, sláinte an duine agus éiceachórais a chosaint agus chun fás agus forbairt eacnamaíoch a spreagadh.

Is féidir achoimre a dhéanamh ar an dá phríomhaidhm atá ag Tionscadal WaterPro mar seo a leanas:

1) Córais bhainistíochta rith chun srutha atá níos éicea-éifeachtúla a chur ar fáil i Limistéar an Fhorimill Thuaidh in oirchill éifeachtaí an athraithe aeráide;

2) Aistriú eolais níos tapúla a chur ar fáil agus comhar níos leithne a fhorbairt laistigh de Limistéar an Fhorimill Thuaidh agus feabhas a chur ar chórais agus ar theicnící bainistíochta rith chun srutha.