An bhfuil na rialtais ullamh don oiriúnú don athrú aeráide?

Cuirtear i láthair sa tuarascáil chomhpháirteach seo iniúchadh comhoibritheach atá bunaithe ar ocht dtuarascáil iniúchóireachta náisiúnta aonair ón Ostair, ón mBulgáir, ón gCipir, ó Mhálta, ón Ísiltír, ón Iorua, ón Rúis agus ón Úcráin, agus staidéar aimsithe fíoras ó Chúirt Iniúchóirí na hEorpa. Léirítear ann go bhfuil na hocht dtír ag céim luath maidir le hoiriúnú don athrú aeráide, agus, go dtí seo, go mbaineann gníomhaíochtaí oiriúnaithe le rioscaí agus leochaileachtaí a shainaithint agus, go pointe áirithe, le forbairt beartais.

Cé go léirítear sna hiniúchtaí náisiúnta go bhfuil measúnuithe riosca agus leochaileachta ar cháilíocht leordhóthanach ullmhaithe ag formhór na dtíortha, ní raibh straitéis chuimsitheach oiriúnaithe forbartha ach ag dhá cheann acu. Pléitear sa tuarascáil go sainaithnítear laigí i gcomhordú an oiriúnaithe i bhformhór na dtíortha, agus go ginearálta tá easpa meastachán costais ar thionchair an athraithe aeráide nó na mbeart oiriúnaithe i ndoiciméid bheartais. Méadaíonn sé sin an baol nach dtabharfar aghaidh go leordhóthanach ar shaincheisteanna a bhaineann leis an athrú aeráide agus leis an oiriúnú don athrú sin sna próisis chinnteoireachta.