Bonneagar a chur in oiriúint don athrú aeráide

Má fhágtar an t-athrú aeráide gan bhainistiú, d’fhéadfadh sé difear suntasach a dhéanamh d’fheidhmíocht oibríochtúil, airgeadais, chomhshaoil agus shóisialta sócmhainní seasta móra agus bonneagair sheasta mhóra. Cuirtear i láthair sa pháipéar seo rannchuidiú an Aontais Eorpaigh le hoiriúnú don athrú aeráide in earnálacha bonneagair roghnaithe. Cumhdaítear leis bonneagar fuinnimh agus iompair chomh maith le foirgnimh san Aontas – earnálacha ar tugadh tosaíocht dóibh do phríomhshruthú an bheartais oiriúnúcháin i bPáipéar Bán 2009 maidir le hOiriúnú don Athrú Aeráide.
Pléitear sa pháipéar freisin na hionstraimí agus an maoiniú a chuireann an tAontas Eorpach ar fáil chun bonneagar na hEorpa a dhéanamh níos athléimní ó thaobh na haeráide de. Gnó domhanda atá ag fás go tapa is ea bonneagar a chur in oiriúint don athrú aeráide ina bhféadfadh fios gnó agus taithí Eorpach deiseanna eacnamaíocha nua a chur ar fáil. Trí infheistíocht phoiblí agus phríobháideach a chur chun cinn i bhfoirgnimh atá athléimneach ó thaobh na haeráide de agus i mbonneagar iompair agus fuinnimh atá cliste, uasghrádaithe agus idirnasctha go hiomlán, cuireann gníomhaíocht aeráide an Aontais go mór le fás agus poist a chur ar fáil san Eoraip. I gcomhréir le Eoraip 2020, rannchuidíonn sí ag an am céanna le dul chun cinn i dtreo iompar níos inbhuanaithe agus margadh fuinnimh atá slán agus glan.