Measúnuithe náisiúnta leochaileachta agus riosca maidir leis an athrú aeráide san Eoraip

Cuirtear i láthair sa tuarascáil seo an chéad athbhreithniú córasach ar an gcaoi ar fhorbair 33 bhalltír LEE (lena n-áirítear 28 mBallstát an Aontais Eorpaigh) a measúnuithe náisiúnta ar thionchar, leochaileacht agus riosca an athraithe aeráide (CCIV).

Tá an tuarascáil bunaithe ar shuirbhé a chuir 24 as 33 bhalltír LEE i gcrích, ar leathanaigh tíre Climate-ADAPT agus ar fhoinsí poiblí faisnéise eile. Rinneadh an chéad mheasúnú náisiúnta CCIV in 2005 agus rinne beagnach gach ballstát LEE measúnú náisiúnta CCIV amháin ar a laghad. Tá cumhdach téamach na measúnuithe náisiúnta CCIV leathan. Is iad na réimsí téamacha is coitianta a chumhdaítear uisce agus talmhaíocht, agus ina dhiaidh sin bithéagsúlacht, fuinneamh, foraoiseacht agus sláinte an duine.

Cuirtear faisnéis ar fáil sa tuarascáil freisin maidir leis an gcaoi ar úsáid tíortha measúnuithe CCIV chun beartais oiriúnúcháin a fhorbairt, rud a léiríonn gurb í forbairt an bheartais oiriúnúcháin náisiúnta an phríomhchúis le measúnuithe náisiúnta CCIV, agus gurb iad measúnuithe ilearnála agus earnála náisiúnta CCIV na foinsí faisnéise is tábhachtaí chun beartais oiriúnúcháin náisiúnta a fhorbairt.

Sainaithníodh sa tuarascáil freisin ceachtanna a foghlaimíodh, bearnaí eolais sna measúnuithe reatha agus rinneadh moltaí maidir le tuilleadh forbartha a dhéanamh ar mheasúnuithe CCIV amach anseo.