Aghaidh a thabhairt ar dhúshlán an ghanntanais uisce agus na dtriomach san Aontas Eorpach

Teachtaireacht ón gCoimisiún chuig Parlaimint na hEorpa agus chuig an gComhairle — Aghaidh a thabhairt ar dhúshlán an ghanntanais uisce agus na dtriomach san Aontas Eorpach {SEC(2007) 993} {SEC(2007) 996}. Cuirtear i láthair sa doiciméad seo sraith tosaigh roghanna beartais ar an leibhéal Eorpach, ar an leibhéal náisiúnta agus ar an leibhéal réigiúnach chun aghaidh a thabhairt ar dhúshlán an ghanntanais uisce agus an triomaigh laistigh den Aontas agus chun an dúshlán sin a mhaolú. Rinneadh cur chun feidhme na Teachtaireachta a mheasúnú go tréimhsiúil trí 3 Thuarascáil Leantacha (2008, 2009, 2010). Rinneadh athbhreithniú ar an teachtaireacht in 2012 agus comhtháthaíodh an t-athbhreithniú sa Treoirphlean chun uiscí na hEorpa a chosaint.