Cineálacha cur chuige agrai-éiceolaíocha agus cineálacha cur chuige nuálacha eile maidir le talmhaíocht inbhuanaithe agus córais bhia inbhuanaithe lena bhfeabhsaítear slándáil bia agus cothú

Sa tuarascáil, a d’fhorbair an Painéal Ardleibhéil Saineolaithe um Shlándáil Bia agus Cothú (HLPE), scrúdaítear cineál agus rannchuidiú féideartha cur chuige agrai-éiceolaíoch agus cur chuige nuálach eile chun aistrithe i dtreo córais bhia inbhuanaithe (SFSanna) a cheapadh lena bhfeabhsaítear slándáil bia agus cothú (FSN). Ghlac HLEP peirspictíocht dhinimiciúil, ilscála, ag díriú ar choincheapa an aistrithe agus an chlaochlaithe. Ní mór go leor aistrithe a dhéanamh go háirithe i gcórais táirgthe agus ar fud an tslabhra luacha bia chun claochlú mór ar chórais bhia iomlána a bhaint amach. Ní mór aistrithe incriminteacha ar scála beag agus athruithe struchtúracha ar institiúidí agus ar noirm ar scála níos mó a dhéanamh ar bhealach comhordaithe agus comhtháite chun an claochlú inmhianaithe ar an gcóras bia domhanda a bhaint amach.

Is é is aidhm don tuarascáil seo agus dá moltaí cinnteoirí, i ‘réimsí éagsúla na sochaí’, a chur i láthair le fianaise ar an rannchuidiú a d’fhéadfadh a bheith ag cuir chuige, cleachtais agus teicneolaíochtaí agrai-éiceolaíocha agus nuálacha eile chun córais bhia inbhuanaithe a chuireann le FSN a dhearadh agus a chur chun feidhme.