Creat meastóireachta tionchair chun tacú le pleanáil agus meastóireacht tionscadal réiteach dúlrabhunaithe

Réitigh dhúlrabhunaithe (NBS) is ea réitigh ar dhúshláin shochaíocha a fhaigheann inspioráid agus tacaíocht ón dúlra. D’iarr an Coimisiún Eorpach ar thionscadal EKLIPSE cuidiú le bonn fianaise agus eolais a fhorbairt maidir leis na tairbhí agus na dúshláin a bhaineann le NBS a chur i bhfeidhm. Mar fhreagairt ar an iarraidh, cheap Meitheal Saineolaithe EKLIPSE um Réitigh Dúlrabhunaithe chun Athléimneacht Aeráide a Chur Chun Cinn i Limistéir Uirbeacha (EWG) na cuspóirí seo a leanas:

1. Creat meastóireachta tionchair a fhorbairt ina mbeidh liosta critéar chun measúnú a dhéanamh ar fheidhmíocht NBS maidir le dul i ngleic le dúshláin a bhaineann le hathléimneacht in aghaidh an athraithe aeráide i limistéir uirbeacha;
2. Treoir iarratais a ullmhú chun tomhas a dhéanamh ar an gcaoi a dtéann tionscadail NBS i bhfeidhm ar na táscairí sainaitheanta maidir le tairbhí iomadúla comhshaoil, eacnamaíocha agus sochaíocha a sholáthar;
3. Moltaí a dhéanamh chun feabhas a chur ar an measúnú ar éifeachtacht na dtionscadal NBS, lena n-áirítear bearnaí eolais a shainaithint de réir na gcritéar a chuirtear i láthair sa chreat meastóireachta tionchair.