Measúnú ar acmhainneacht na gcur chuige bunaithe ar éiceachórais maidir le hoiriúnú don athrú aeráide agus maolú ar an athrú aeráide san Eoraip

Bhí sé d’aidhm ag an staidéar sin aghaidh a thabhairt ar bhearnaí eolais atá ann faoi láthair maidir le glacadh agus cur chun feidhme cineálacha cur chuige atá bunaithe ar éiceachórais agus, ar an gcaoi sin, tuiscint níos fearr a fháil ar a ról agus ar a n-acmhainneacht maidir le hoiriúnú don athrú aeráide agus maolú ar an athrú aeráide san Eoraip. Bhí bunachar sonraí de 161 thionscadal is infheidhme, cúig chás-staidéar dhoimhne, agallaimh spriocdhírithe le hoifigigh an Choimisiúin Eorpaigh agus athbhreithniú litríochta mar bhonn don mheasúnú sin. Agus úsáid á baint as na foinsí sin, d’fhéach an staidéar seo leis na tosca ratha as ar eascair agus na bacainní a chuireann bac ar chur chun feidhme cur chuige bunaithe ar éiceachórais i gcláir um athrú aeráide ar an leibhéal áitiúil, réigiúnach, náisiúnta agus trasnáisiúnta a shoiléiriú agus moltaí iomchuí a sholáthar chun na bacainní atá ann cheana a shárú. Ina theannta sin, bailíodh fianaise maidir leis na costais agus na tairbhí a bhaineann le cuir chuige bunaithe ar éiceachórais agus cuireadh i gcomparáid í leis na costais agus na tairbhí a bhaineann le cuir chuige a ndearnadh innealtóireacht thraidisiúnta orthu chun aghaidh a thabhairt ar an athrú aeráide agus ar a thionchair.