Oiriúnú don athrú aeráide: Feidhmíocht a thomhas, spriocanna a shainiú agus inbhuanaitheacht a áirithiú

Is é is aidhm don staidéar seo, a d’fhoilsigh Coiste Eorpach na Réigiún, tacú leis na húdaráis áitiúla agus réigiúnacha le moltaí praiticiúla maidir leis an gcaoi ar féidir measúnú a dhéanamh ar bhearta oiriúnúcháin, an dul chun cinn atá déanta acu a thomhas, agus spriocanna a shainiú. Tugtar léargas sa staidéar ar litríocht acadúil agus liath chomh maith le samplaí de phleananna oiriúnaithe áitiúla agus réigiúnacha. Is foinse inspioráide d’údaráis áitiúla agus réigiúnacha eile iad na samplaí praiticiúla sin ó thrí chathair (an Aithin, Kielce agus Stócólm) agus ó dhá réigiún (Flóndras agus an Réin Thuaidh-Viostfáile) ina bhfuil pleanáil oiriúnúcháin. Áirítear sa tuarascáil staidéir freisin dea-chleachtais atá le leanúint ag na céimeanna éagsúla de thimthriallta beartais oiriúnúcháin. Tá fócasanna téamacha an-éagsúil agus cuimsíonn siad, i measc nithe eile, sláinte, bonneagar (glas/gorm), bainistiú uisce, forbairt uirbeach, turasóireacht, talmhaíocht.