An t-athrú aeráide, díghrádú an chomhshaoil agus an imirce

Is é is aidhm don Doiciméad Inmheánach Oibre seo de chuid an Choimisiúin Eorpaigh forléargas a thabhairt ar an taighde agus ar na sonraí atá ar fáil faoi láthair maidir leis na hidirnaisc idir an imirce, díghrádú an chomhshaoil agus an t-athrú aeráide. Dírítear go sonrach sa pháipéar seo ar shoghluaisteacht an duine mar gheall ar thubaistí a bhaineann leis an aeráid agus díghrádú an chomhshaoil, lena n-áirítear mar gheall ar an athrú aeráide (e.g. díghrádú talún, triomach, fairsingiú fásaigh, ardú ar leibhéal na farraige nó tubaistí de dheasca na haeráide amhail triomach, tuilte, eachtraí adhaimsire, stoirmeacha geimhridh agus tonnta teasa). Tugtar forléargas ann freisin ar an iliomad tionscnamh atá ábhartha don ábhar atá á ndéanamh cheana féin ag an Aontas i réimsí éagsúla beartais, agus déantar anailís ann ar dhíospóireachtaí leanúnacha ar fhreagairtí beartais ar leibhéal an Aontais agus ar an leibhéal idirnáisiúnta. Baineann go leor dá mholtaí go sonrach le beartais AE a bhfuil fócas seachtrach acu, lena n-áirítear forbairt, beartas eachtrach agus cabhair dhaonnúil.