Rioscaí maidir leis an Athrú Aeráide agus Oiriúnú don Athrú sin. Beartas agus eacnamaíocht a nascadh

Tá an t-athrú aeráide ina chúis le rioscaí éagsúla, ó mhinicíochtaí athraitheacha galar trópaiceach go rioscaí méadaithe triomaigh, agus tá éagsúlacht mhór ann maidir lena ndéine, lena minicíocht agus lena n-intuarthacht fhéideartha. Ní mór do rialtais bainistiú na rioscaí aeráide sin a chomhtháthú i gceapadh beartas má tá siad chun oiriúnú go rathúil d’aeráid atá ag athrú. Tá ról ríthábhachtach ag anailís eacnamaíoch maidir le tacú leis na hiarrachtaí sin, trí chostais agus tairbhí a shainaithint agus trí thacú leis an gcinnteoireacht ar mhaithe le todhchaí éiginnte. Mar sin féin, ní mór an anailís sin a chur in oiriúint do na hinstitiúidí, do na beartais agus do na rioscaí aeráide i dtír ar leith. Ag tógáil ar thaithí thíortha ECFE, leagtar amach sa tuarascáil seo conas is féidir leis an bhfianaise agus na huirlisí eacnamaíocha is déanaí ceapadh beartais níos fearr a chumasú le haghaidh oiriúnú.