Deis aeráide: tuilleadh post; sláinte níos fearr; cathracha ar féidir maireachtáil iontu

Is é is aidhm don tuarascáil maidir le Deiseanna Aeráide cuidiú le lucht déanta beartas áitiúil agus náisiúnta cás ar son gníomhaíochta a bhunú trí fhianaise a sholáthar ar an gcaoi a bhfuil baint ag beartais aeráide le cláir oibre sláinte, rachmais agus forbartha eile agus ar an gcaoi a soláthraíonn siad torthaí dóibh. Leagtar amach sa tuarascáil maidir le Deiseanna Aeráide na tairbhí a bhaineann le trí ghníomhaíocht an-éifeachtach ar son na haeráide (iarfheistiú éifeachtúlachta fuinnimh i bhfoirgnimh chónaithe, líonraí bus feabhsaithe, agus fuinneamh in-athnuaite ar scála ceantair) agus cuirtear modheolaíocht threorach ar fáil do lucht ceaptha beartas áitiúil agus náisiúnta maidir leis an gcaoi ar féidir le cathracha agus náisiúin meastóireacht a dhéanamh ar na tionchair sin agus a gcásanna láidre féin a fhorbairt le haghaidh beartais maidir le gníomhú ar son na haeráide.

Díríonn anailís na tuarascála ar dhá chás. Ar an gcéad dul síos, cás tagartha lena ndéantar forbairtí uirbeacha a réamh-mheas bunaithe ar threochtaí reatha agus, ar an dara dul síos, cás gníomhaíochta feabhsaithe lena dtoimhdítear go gcuirfear gach gníomhaíocht ar son na haeráide chun feidhme ar leibhéal atá comhsheasmhach le ceanglais Chomhaontú Pháras. Fuarthas amach sa tuarascáil maidir le Deiseanna Aeráide go raibh tionchair dhearfacha ann do réigiúin agus do thíortha éagsúla ag céimeanna éagsúla den fhorbairt eacnamaíoch.