‘Cruthúnas Aeráide’ ar phríomhbheartais an Aontais – Tuarascáil chríochnaitheach Thasc 1: Measúnú ar na bagairtí is suntasaí ar an Aontas a bhaineann leis an aeráid atá ag athrú sa ghearrthéarma, sa mheántéarma agus san fhadtéarma

Ceann de cheithre cholún chreat oiriúnúcháin an Aontais is ea ‘an t-oiriúnú a chomhtháthú i bpríomhréimsí beartais an Aontais’, lena sainaithnítear an gá atá le freagairtí oiriúnúcháin a phríomhshruthú i ngach réimse de bheartas an Aontais a bhfuil tionchar ag an athrú aeráide orthu. Is é is cuspóir don phríomhshruthú a áirithiú go mbeidh na hearnálacha a chumhdaítear leis na réimsí beartais in ann leanúint ar aghaidh lena bpríomhchúraimí fiú i gcúinsí ina bhfuil athrú ag teacht ar an aeráid. Tá roinnt straitéisí agus staidéar críochnaithe nó leanúnach i réimse an oiriúnaithe don athrú aeráide a phríomhshruthú. Ina theannta sin, tá sé ríthábhachtach caiteachas chistí an Aontais a chuíchóiriú faoin gcéad tréimhse airgeadais eile agus spriocanna beartais aeráide a phríomhshruthú sna cistí sin chun a áirithiú go rannchuideoidh na hionstraimí airgeadais tábhachtacha sin le cuspóirí foriomlána an Aontais maidir le hoiriúnú. Déantar measúnú sa tuarascáil seo ar na bagairtí is suntasaí a bhaineann leis an aeráid atá ag athrú. Cuireann sé le Páipéar Bán an Aontais maidir le hoiriúnú agus cuireann sé leis na torthaí is déanaí ón eolaíocht.