Anailís chomparáideach ar na Pleananna Straitéiseacha CBT agus ar a rannchuidiú éifeachtach le cuspóirí an Aontais a bhaint amach

Tugtar measúnú comparáideach sa staidéar seo ar 28 bPlean Straitéiseacha an Chomhbheartais Talmhaíochta de chuid 27 mBallstát an Aontais. Déantar measúnú ann ar phríomhghnéithe an chreata rialála don tréimhse 2023-2027 lena n-áirítear próiseas formheasa na bpleananna agus tugtar forléargas ann ar leithdháiltí airgeadais na 28 bPlean Straitéiseacha agus ar shainiúlachtaí a gcur chun feidhme. Soláthraítear sa staidéar an chéad mheastóireacht ar ábharthacht na bPleananna Straitéiseacha agus
ar a mhéid a rannchuidíonn siad le cuspóirí an Chomhaontaithe Ghlais don Eoraip (lena n-áirítear oiriúnú don athrú aeráide). Críochnaíonn sé le hanailís fhoriomlán ar bhreisluach na samhla seachadta nua agus sraith moltaí beartais.